wathi ngu mo dhok Chollo

Agwεd kipa pw?nyi woth?nhi C?ll?

Yi Adwok Nyaba Tor

1. ŋolo mi wad nyadeny

Caŋ akyεl dyεk akεthi rij pw?dho ka gε chamo ki byεl. Ka jal kwayo wijε chuŋu ki gin agwok yiεn. Ki baŋ nya kεj mathinh ka Apw?j? lidhε ε riwa piny. Acwolεg?n, akoppi g?n kini:


?wad Nyikany math kony yan ki jugi tuŋ dyek?.
?Ango oweki yan?? Ke logi yi Apwojo.
?Yi oweka pwodhi byεl.? Ke kop yi jal kwayo.
?Ya bedo.? Ka loggi yi apwojo.

Ka jami ben mog akwopi yi jal kwayo bany ya apwojo. Ki chan piny akopigon kini yi wεka pwodhi ŋor. Ka apwojo oyeyo, ka rεŋa bε juŋi dyek. Akεthε yij pwothi ngor, Ka ε kapo ki ŋor ma gir, akεthε ε woro; cwinyε mεdo. Arwom gεn ki gyεno. Ka ŋor nyuthε gyεno. Ka ŋor dat yi gyεno ben. Ka apwojo oyεro kini :

Chai, ŋora !!
ŋora wekki yan yi kwayi dyek;
Kwayi dyek oko kini juga tuŋ dyegε;
Tuŋ dyegε chama byεli dhanho;
Dhanho ba pεli pεlo tin;
Chol kεdε yow!!.
{mospagebreak}
Ka ŋor chol yi gyeno ki toŋ. Ka apwojo okεtho ε woro; ka wir lidhε. Achwolε wir kini wir riŋi riŋi nyiŋi ba amich. Ka wir oriŋo nyiŋε mich εn; ka toŋ gyεno dhabε. Ka apwojo oyεro ki nyiŋi wiir:

Chai, toŋ gyεna!!
Tong aweki yan yi gyεn;
Gyεn adat adata;
Adata weki yan yi kwayi dyek;
Kwayi dyek oko kini juga tuŋ dyegε;
Tung dyegε chama byeli dhanho
Dhanho aba pεli pεlo tin;
Chol kεdε yow !!
Ka wir ocudo ki win ka gε kwany yi apwojo ka ε kεtho εworo. Ka ε kεtha tha akani bodho, ka win wekε bodho ogi thathε. Ka win kidhi mach yi bodho ka gε rappo. Ka apwojo oyεro ki mεn dwoŋ ka rap go win:

Chai winna!!
Wina weki yan yi wir;
Wir adhab toŋ gyεna;
Tong aweki yan in gyεn;
Gyεna data data;
Adata weki yan yi kway dyek;
Kway dyek oko kini juga tuŋ dyegε;
Tuŋ dyegε chama byeli dhanho;
Dhanho aba pelε pelε tin;
Chol kεdε yow!!
{mospagebreak}
Ka win apwojo chol yi bodho ki bεth. Ka apwojo ketha wak ki yij akani bodho. Kawathi wak alidhε bur ma lach; akobbε kini bur yεp dhoki. Ka bεth mwony yi bur. Ka apwojo rε cago lecho. Kini ya wad nyikany ŋan god yithi banyi kali yi caŋ; dwata kini bεthε chol in bur.

Chai bεtha!!
Bεnha wekki yan yi bodh;
Bodha rap wina;
Wina wekki yan in wir;
Wira dhap toŋ gyεna;
Tong awekki yan yi gyεn;
Gyεna data adata;
Adapta wekki yan yi kwayi dyek;
Kwayi dyek oko kini juga tuŋ dyekε;
Tuŋ dyegε chama byeli dhanho;
Dhanho aba pεli pεlo tin;
Chol kεdε yow.

Ka bur ocudu. Ka apwojo thothi ki yejo. Ka go kalε ε tugo yiεn ε chama olith oay bi gwar yenya en!! Ka olith yejo gwarε kini riib. Ka apwojo oyεro ki mεndwoŋ.
{mospagebreak}
Chai yenya!!!
Yenya wekki yan yi bur;
Bur amwony bεtha;
Bεnha wekki yan yi bodh;
Bodha rap wina;
Wina wekki yan in wir;
Wira dhab toŋ gyεena;
Toŋ awekki yan yi gyεn;
Gyεna data data;
Adata wekki yan yi kwayi dyek;
Kwayi dyek oko kini juga tuŋ dyegε;
Tuŋ dyegε chama byeli dhanho;
Dhanho aba pεli pεlo tin;
Chol kεdε yow.

Ka olith wijε chuŋu ki gin agwok yiεn ma choligon yenyi apwojo. Ka ε para ka rejo mi jal mai gwarε; kago choligon rej apwojo. Chothε apwojo akεthε pach ka rejo megε mayε kini oth?l.

Ka yomi rejo ŋwach yi othwonh wad nyadeny ε twelo. Ka kεjε kobbε. Kagε rwomo ka apwojo εbia wok ki kal. Akop wad nyadyeny kini; apwojo yi cha di yodo yia. A kop apwojo kini kud nayo ogi nyikayo bel yi yin moti. Ka wad nyadyeny twoj yathi yuk ya apwojo, kini kipa kolidh yi mayε.

Akεthi apwojo wod akoppi mayε oneŋi ki ryejo. Ba kini o cwinyi wad nyadyeny mine gon ama cwinye rach chon. Akopi maye kini othothi ki yathi pat aryew, o akyel mekka madha ma nut ki wak. Ka apwojo okano ki rejo. Kago wekke wad nyadyeny. Ka pal mwony thyo yi wad nyadyeny kyel ki rejo. Akopi yi apwojo kini nayo kal pal odwoga wod, de pal omwonyo yi wad nyadyeny.

Ka apwojo dogga wod kun di maye. Ka maye k?pegon kini; ma da yith ma dwoŋ ki keli yuk. Kwany lek men adwoŋ oya kwanya nyaleŋa thinh. Ki yi goch tyeli yuk oya gocha wathi gen. Ka mayi apwojo lek kwanye ka tyeli yuk goche ki mendwoŋ ka lek patha tyeli wad nyadyeny. Ka e reŋo e cha kwomo. Bene en acok othwonh eba ŋwol anan. Wach athumi.